सर्वोच्च अदालत लगायत मातहतका कुनै पनि अदालतमा कामसंग सम्बन्धित अदालतका सेवा ग्राहीहरुले आफ्नो कामसंग सम्बन्धित कुनै पनि समस्या, गुनासो, पिरमर्का, अनियमितता र ढिलासुस्ती जस्ता बिषयमा कुनै मौखिक उजुरी, समस्या, शिकायत वा सुझाव भए सम्माननीय प्रधान न्यायाधीश श्री खिलराज रेग्मीज्यूको निजी सचिवालय सर्वोच्च अदालतमा समस्या सुन्न गठन गरिएको शाखामा राखिएको टोल फ्रि टेलिफोन नं. १६६०–०१–३३३५५ मा सिधै टेलिफोन गरी जानकारी गराउन सक्ने व्यवस्था गरिएकाले सम्बन्धित सबैको जानकारीका लागि यो सूचना प्रकाशित गरिएको छ । न्यायिक कामकारबाहीमा पारदर्शिता, बिश्वसनियता र जवाफदेहिता बढाउने उदेश्यका साथै न्यायलयका कामकारबाही र सेवा प्रबाहमा सहजपन ल्याउन र सेवाग्राही मैत्री व्यवहार बढाउने उद्देश्यले शुरु गरिएको यस कार्यमा १६६०–०१–३३३५५ नं को टोल फ्रि टेलिफोनमा देशको जुनसुकै स्थानबाट सम्पर्क गर्दा कुनै पनि शुल्क नलाग्ने व्यहोरा समेत जानकारीका लागि अनुरोध छ ।